夏天除左為大地帶來美腿，仲帶來好多莓莓。5-8月係瑞典人最愛嘅莓類果實收成季節。初夏有士多啤梨日，開個士多啤梨派對，餐枱放滿以士多啤梨為主材料所製嘅菜式。另外，瑞典最經典名菜 — 瑞典肉丸都係配越莓醬（Lingonberry)嘅。
而嚟到夏末，野生藍莓就係主角啦。隨便喺瑞典森林行都可以搵到佢哋嘅蹤影，帶個膠盒就可以隨便任摘㗎啦～不過，唯一嘅付出就係可能第二日會腰痛⋯⋯因為呢度嘅野生藍莓多數屬於矮叢類，高度大概及膝㗎咋。幾個鐘彎低腰咁⋯你可以自行想像到啦～而且因為佢哋生得矮，又細細粒分分鐘同佢哋刷身而過都唔知㗎，所以有心去摘嘅記得帶埋對金精火眼，或者問吓總有一個喺左近摘緊嘅瑞典人邊度有啦～
少少苦楚又點會嚇到我哋兩個貪心鬼呢～用咗一個下午摘左2kg，成績唔錯。返屋企洗乾淨可以即食又得、煮果醬焗蛋糕又得，或者放入冰格急凍慢慢食都得。
當然，野生藍莓唔一定要咁辛苦先有得食嘅～呢個時候超市都會以超抵價出售㗎😆
Search